Թոքերի քրոնիկ օբստրուկտիվ հիվանդությունը շնչառական ուղիները խցանող, քրոնիկ ընթացքով տարածված հիվանդություն է, որը բնորոշվում է հաճախակի սրացումներով:

Հիվանդությանը բնորոշ է դանդաղ զարգացումը, որով պայմանավորված` պացիենտները դիմում են բժշկի բավականին ուշ, երբ արդեն արտահայտված են բրոնխների քրոնիկ բորբոքման և բրոնխոօբստրուկտիվ համախտանիշի կլինիկական նշանները`

♦ հազ,

♦ դժվարացած շնչառություն,

♦ ամենօրյա ֆիզիկական ծանրաբեռնվածության նկատմամբ դիմադրողականության նվազում:

Հիվանդության զարգացման հիմնական ռիսկի գործոններն են`

♦ ծխելը (80-90%),

♦ շրջակա միջավայրում առկա վնասակար և արտադրական նյութերի առկայությունը,

♦ ժառանգական նախատրամադրվածությունը,

♦ տարիքը և սեռը` հաճախ 40-ից բարձր արական սեռի ներկայացուցիչներ,

♦ անամնեզում ստորին շնչառական ուղիների կրկնվող վարակները:

Հիվանդության զարգացումը հնարավոր է կանխարգելել`

♦ վաղ ախտորոշման,

♦ ծխելը դադարեցնելով,

♦ ֆիզիկական ակտիվությամբ,

♦ գրիպի սեզոնային սրացումներից խուսափելու նպատակով:

Տարեկան շուրջ 3 մլն մարդ ամբողջ աշխարհում մահանում է այս հիվանդությունից: Ոչ վարակիչ հիվանդությունների մահացության ցուցանիշներով` թոքերի քրոնիկ օբստրուկտիվ հիվանդությունից մահացությունը սրտանոթային հիվանդություններից և քաղցկեղից հետո երրորդ տեղում է: